പെൻഷൻനേഴ്സ് യൂനിയൻ കലക്​ടറേറ്റ്​ മാർച്ച്​

തൃശൂർ: പങ്കാളിത്ത െപൻഷൻ റദ്ദാക്കുക, സ്റ്റാറ്റ്യൂട്ടറി പെൻഷൻ നിലനിർത്തുക, 11ാം ശമ്പള-പെൻഷൻ പരിഷ്കരണ നടപടികൾ ആരംഭിക്കുക തുടങ്ങി വിവിധ ആവശ്യങ്ങളുന്നയിച്ച് കേരള സ്റ്റേറ്റ് സർവിസ് പെന്‍ഷനേഴ്‌സ് യൂനിയന്‍ ജില്ല കമ്മിറ്റിയുടെ ആഭിമുഖ്യത്തില്‍ കലക്ടറേറ്റ് മാര്‍ച്ച് നടത്തി. സംസ്ഥാന സെക്രട്ടറി വി.വി. പരമേശ്വരന്‍ ഉദ്ഘാടനം ചെയ്തു. ജില്ല പ്രസിഡൻറ് എ.പി. ജോസ് അധ്യക്ഷത വഹിച്ചു. വൈസ് പ്രസിഡൻറ് ജോസഫ് മുണ്ടശേരി, കെ.എം. ശിവരാമന്‍, പി.ഐ. സൈമണ്‍ തുടങ്ങിയവര്‍ സംസാരിച്ചു.