'അന്നമനട പഞ്ചായത്ത് പ്രസിഡൻറ് രാജിവെക്കണം'

' മാള: അന്നമനട പഞ്ചായത്തിലെ അഞ്ചാം വാർഡ് തെരഞ്ഞെടുപ്പ് റദ്ദാക്കിയ കോടതി വിധിയോടെ ഭൂരിപക്ഷം നഷ്ടപ്പെട്ട പഞ്ചായത്ത് പ്രസിഡൻറ് രാജിവെക്കണമെന്നാവശ്യപ്പെട്ട് ജനകീയ സംരക്ഷണ സംഗമം നടത്തി. വാർഡ് അംഗവും, പഞ്ചായത്ത് വൈസ് പ്രസിഡൻറുമായ കെ.കെ. രവിനമ്പൂതിരിയുടെ വിജയമാണ് കോടതി റദ്ദാക്കിയത്. എൽ.ഡി.എഫ് അന്നമനട ടൗണിൽ നടത്തിയ സംഗമം പി.കെ. ഡേവിസ് ഉദ്ഘാടനം ചെയ്തു. കെ.വി. വസന്ത് കുമാർ അധ്യക്ഷത വഹിച്ചു. ഇ.കെ. അനിലൻ, ടി.വി. ഭാസ്കരൻ, ടി.കെ. ഗോപി, വി.വി. ജയരാമൻ, പ്രവീൺചന്ദ്രൻ എന്നിവർ സംസാരിച്ചു.