ട്രേഡ് ലിങ്ക്സിനെതിരെ വിധി

തൃശൂർ: കുറി ചേർത്ത് സംഖ്യ നൽകാതിരുന്നതിനെ തുടർന്ന് കേസ് ഫയൽ ചെയ്ത പരാതിക്കാരിക്ക് അനുകൂല വിധി. എടക്കുളം എളേടത്ത് വീട്ടിൽ രേഷ്മ പ്രവീൺ നൽകിയ പരാതിയിൽ ട്രേഡ് ലിങ്ക് ചിറ്റ്സ് ആൻഡ് ഫിനാൻഷ്യൽ എൻറർപ്രൈസസിനെതിരെയാണ് തൃശൂർ ഉപഭോക്തൃഫോറത്തി​െൻറ വിധി. തെളിവുകൾ പരിഗണിച്ച പ്രസിഡൻറ് പി.കെ. ശശി, അംഗം എം.പി. ചന്ദ്രകുമാർ എന്നിവരടങ്ങിയ തൃശൂർ ഉപഭോക്തൃ കോടതിയാണ് 3.75 ലക്ഷവും 2016 ഏപ്രിൽ 19 മുതൽ ഒമ്പത് ശതമാനം പലിശയും നൽകാൻ ഉത്തരവിട്ടത്.