കടലോര മേഖല സംരക്ഷണം: എം.പിക്ക് നിവേദനം നൽകി

എറിയാട്: ഓഖി ദുരന്തത്തിൽ തകർന്ന കടൽഭിത്തി പുനർനിർമിച്ചും ആവശ്യമായ പുലിമുട്ടുകൾ സ്ഥാപിച്ചും കടലോര മേഖലയെ സംരക്ഷിക്കണമെന്ന് ആവശ്യപ്പെട്ട് തീരദേശ ജനകീയ സമരസമിതി ആഭിമുഖ്യത്തിൽ ഇന്നസ​െൻറ് എം.പിക്ക് നിവേദനം നൽകി. അടുത്ത പാർലമ​െൻറ് സമ്മേളനത്തിൽ വിഷയം അവതരിപ്പിക്കുമെന്നും കടലേറ്റ ദുരിതബാധിത പ്രദേശങ്ങളിൽ സന്ദർശനം നടത്താമെന്നും എം.പി ഉറപ്പ് നൽകിയതായി സമരസമിതി നേതാക്കൾ പറഞ്ഞു. ഫിറോസ്, നൗഷാദ്, സുമേഷ്, ബാബു, സമിൽ എന്നിവരുടെ നേതൃത്വത്തിൽ എം.പിയുടെ വീട്ടിലെത്തിയാണ് നിവേദനം നൽകിയത്.