റോഡുകളുടെ ശോച്യാവസ്ഥ: പൊതുമരാമത്ത് എൻജിനീയർ ഓഫിസിന് മുന്നിൽ പ്രതിഷേധം

ആമ്പല്ലൂര്‍: പുതുക്കാട് ബസാര്‍ റോഡ്, ഹോസ്പിറ്റല്‍ റോഡ് എന്നിവയുടെ ശോച്യാവസ്ഥ പരിഹരിക്കുക, റോഡ് നവീകരണം ഉടന്‍ പൂര്‍ത്തീകരിക്കുക എന്നീ ആവശ്യങ്ങള്‍ ഉന്നയിച്ച് പുതുക്കാട് മണ്ഡലം കോണ്‍ഗ്രസ് കമ്മിറ്റി പൊതുമരാമത്ത് എൻജിനീയറുടെ ഓഫിസിന് മുമ്പില്‍ ധർണ നടത്തി. ബ്ലോക്ക് കോണ്‍ഗ്രസ് പ്രസിഡൻറ് കെ.എം. ബാബുരാജ് ഉദ്ഘാടനം ചെയ്തു. മണ്ഡലം പ്രസിഡൻറ് വി.കെ. വേലുക്കുട്ടി അധ്യക്ഷത വഹിച്ചു. സെബി കൊടിയന്‍, ഷാജു കാളിയേങ്കര, പി.പി. ചന്ദ്രന്‍, സി.സി. സോമന്‍ തോബി തോട്ടിയാന്‍, രാജു തളിയപറമ്പില്‍, സിജു ആൻറണി, മുരളി മഠത്തില്‍, ജോളി ചുക്കിരി, സതി സുധീര്‍ എന്നിവര്‍ സംസാരിച്ചു.