കാരുണ്യ ഭവനത്തിന് ശിലയിട്ടു

തൃപ്രയാർ: നാട്ടിക മഹല്ല് ജമാഅത്ത്‌ കമ്മിറ്റിയുടെ സഹകരണത്തോടെ യു.എ.ഇ നാട്ടിക മഹല്ല് വെൽഫെയർ കമ്മിറ്റി നിർമിക്കുന്ന ഭവന രഹിതർക്കുള്ള 'ബൈത്തുന്നൂർ'പദ്ധിയിലെ നാലാമത്തെ വീടി​െൻറ ശിലാസ്ഥാപനം സമസ്ത മുശാവറ അംഗം എസ്‌.എം.കെ തങ്ങൾ നിർവഹിച്ചു. മഹല്ല് പ്രസിഡൻറ് പി.എം. മുഹമ്മദലി ഹാജി അധ്യക്ഷത വഹിച്ചു. ഖത്തീബ്‌ സി.എ. സിദ്ദീഖ്‌ ബാഖവി, സെക്രട്ടറി സി.എ. മുഹമ്മദ്‌ റഷീദ്‌, ഗ്രാമപഞ്ചായത്ത്‌ വൈസ്‌ പ്രസിഡൻറ് കെ.എ. ഷൗഖത്തലി, യു.എ.ഇ നാട്ടിക മഹല്ല് വെൽഫെയർ അസോസിയേഷൻ പ്രസിഡൻറ് ആർ.എ. ബഷീർ, ഖത്തർ നാട്ടിക മഹല്ല് വെൽഫെയർ അസോസിയേഷൻ ‌പ്രസിഡൻറ് കെ.കെ. ഹംസ, ഷാർജ നാട്ടിക മഹല്ല് വെൽഫെയർ അസോസിയേഷൻ ഭാരവാഹി വി.എം. ഷഹീൻ നവാസ്‌, മഹല്ല് ഭാരവാഹികളായ കെ.കെ. മാമദ്‌, കെ.കെ. ഉമ്മർ, സി.എ. ഇബ്രാഹിം എന്നിവർ സംസാരിച്ചു.