തകർന്ന ദേശീയപാത; വാഴനട്ട് പ്രതിഷേധം

മണ്ണുത്തി: ദേശീയപാത മുല്ലക്കര വെട്ടിക്കൽ സ​െൻററിൽ റോഡ് തകർന്നതിൽ ബി.ജെ.പി ഒല്ലൂക്കര മേഖല കമ്മിറ്റി വാഴ നട്ട് പ്രതിഷേധിച്ചു. അറ്റക്കുറ്റപ്പണി നടത്തിയില്ലെങ്കിൽ ദേശീയപാത ഉപരോധം അടക്കമുള്ള സമര പരിപാടികളുമായി മുന്നോട്ടുപോകുമെന്ന് യോഗം ഉദ്ഘാടനം ചെയ്തുകൊണ്ട് ബി.ജെ.പി ഒല്ലൂർ മണ്ഡലം പ്രസിഡൻറ് സുന്ദരരാജൻ പറഞ്ഞു. മേഖല പ്രസിഡൻറ് രാജീവ് പുളിങ്കുഴി അധ്യക്ഷത വഹിച്ചു. ബി.ജെ.പി മണ്ഡലം സെക്രട്ടറി വിമേഷ് മുല്ലക്കര, യുവമോർച്ച ജില്ല കമ്മിറ്റി അംഗം എ.ബി. ശ്രീനാഥ്, അനിൽകുമാർ, സതീശൻ ഞാറ്റുവെട്ടി, സുരേഷ്‌ തട്ടിൽ, ചന്ദ്രൻ ഗോകുലം, ശ്രീനിവാസൻ, ശരത്ത്, വേണു, ഉമ്മർ എന്നിവർ നേതൃത്വം നൽകി.