സി.പി.എം സമ്മേളന ഗാന സീഡി പ്രകാശനം

തൃശൂർ: ഫെബ്രുവരി 22 മുതൽ തൃശൂരിൽ നടക്കുന്ന സി.പി.എം സംസ്ഥാന സമ്മേളനത്തോടനുബന്ധിച്ച് പുറത്തിറക്കുന്ന ഗാനങ്ങളുെട സീഡി പ്രകാശനം ചെയ്തു. സമ്മേളന സ്വാഗതസംഘം ഒാഫിസിൽ നടന്ന ചടങ്ങിൽ സംസ്ഥാന സെക്രട്ടറി കോടിയേരി ബാലകൃഷ്ണൻ, മന്ത്രി എ.സി. മൊയ്തീന് നൽകിയാണ് പ്രകാശനം നിർവഹിച്ചത്. നിർധനർക്ക് ഭവന നിർമാണത്തിനായി പാർട്ടി ഒല്ലൂർ ഏരിയ കമ്മിറ്റിയംഗം ജോസ് തെക്കേത്തല സൗജന്യമായി നൽകുന്ന 20 സ​െൻറ് ഭൂമിയുടെ പ്രമാണം കോടിയേരി ഏറ്റുവാങ്ങി. ബേബി ജോൺ, എൻ.ആർ. ബാലൻ, ജില്ല സെക്രട്ടറി കെ. രാധാകൃഷ്ണൻ, കെ.വി. അബ്ദുൽ ഖാദർ എം.എൽ.എ, കെ.കെ. രാമചന്ദ്രൻ, പി.കെ. ഷാജൻ തുടങ്ങിയവർ പെങ്കടുത്തു.