പകൽ ട്രെയിനുകളിൽ മൊബൈൽ ചാർജിങ്​ യൂനിറ്റുകൾ സ്ഥാപിക്കും

പകൽ ട്രെയിനുകളിൽ മൊബൈൽ ചാർജിങ് യൂനിറ്റുകൾ സ്ഥാപിക്കും കൊച്ചി: പകൽ സർവിസ് നടത്തുന്ന ട്രെയിനുകളിലെ എല്ലാ ബോഗിയിലും മൊബൈൽ ഫോൺ ചാർജിങ് യൂനിറ്റുകൾ സ്ഥാപിക്കുമെന്ന് സീനിയർ റെയിൽവേ ഡിവിഷനൽ എൻജിനീയർ മനുഷ്യാവകാശ കമീഷനെ അറിയിച്ചു. സംസ്ഥാന മനുഷ്യാവകാശ കമീഷൻ ആക്ടിങ് പ്രസിഡൻറ് പി. മോഹനദാസി​െൻറ ഉത്തരവിലാണ് നടപടി. പരശുറാം, ഏറനാട്, ജനശതാബ്ദി ട്രെയിനുകളിൽ എ.സി കോച്ചുകളിലൊഴികെ ചാർജിങ് സോക്കറ്റ് ഇല്ലെന്നാണ് കൊച്ചി നഗരസഭ കൗൺസിലർ തമ്പി സുബ്രഹ്മണ്യൻ നൽകിയ പരാതി. കമീഷ​െൻറ നിർദേശപ്രകാരം ഫോൺ ചാർജിങ് യൂനിറ്റുകളുടെ നിർമാണം ആരംഭിച്ചതായി സീനിയർ ഡിവിഷനൽ ഇലക്ട്രിക്കൽ എൻജിനീയർ സമർപ്പിച്ച റിപ്പോർട്ടിൽ പറഞ്ഞു.