ഇ. ശ്രീധരന് ശ്രീനാരായണ അവാർഡ് നൽകി

തൃശൂർ: ശ്രീനാരായണ അവാർഡ് കൊച്ചി മെട്രോ ഉപദേഷ്ടാവ് ഡോ. ഇ. ശ്രീധരന് നൽകി. ടി.ആർ. എജുക്കേഷനൽ ട്രസ്റ്റും തൃശൂർ ഗുരുഭവനും സംയുക്തമായി സംഘടിപ്പിച്ച ടി.ആർ. രാഘവൻ ചരമവാർഷിക ദിനാചരണത്തിൽ മന്ത്രി വി.എസ്. സുനിൽകുമാർ പുരസ്കാരം കൈമാറി. സി. രാധാകൃഷ്ണൻ അധ്യക്ഷത വഹിച്ചു. സംഗീത നാടക അക്കാദമി മുൻ സെക്രട്ടറി ഡോ. പി.വി. കൃഷ്ണൻനായർ, കവി ആലങ്കോട് ലീലാകൃഷ്ണൻ, ടി.ആർ. വിജയകുമാർ, പി.ആർ. വിവേക്, ശിവഗിരി മഠം മാതൃവേദി ജോ. സെക്രട്ടറി വസന്തകുമാരി വേണുഗോപാൽ എന്നിവർ സംസാരിച്ചു.