ഒാടുന്നതിനിടെ കാർ കത്തിനശിച്ചു

പാവറട്ടി: . ഡ്രൈവറുൾപ്പെടെ അഞ്ച് യാത്രക്കാർ ഉണ്ടായിരുന്നെങ്കിലും ഇറങ്ങി ഒാടിയതിനാൽ ആർക്കും പൊള്ളലേറ്റില്ല. പറപ്പൂർ ചാലക്കാലിൽ പെരിഞ്ചാല അമ്പലത്തിന് സമീപം ഞായറാഴ്ച രാവിലെ പത്തിനാണ് സംഭവം. മണലൂരിൽനിന്ന് ഉൗരകത്തെ ബന്ധുവീട്ടിലേക്ക് വിവാഹ ആവശ്യത്തിന് പോയിരുന്നവരാണ് അപകടത്തിൽപെട്ടത്. ബോണറ്റിൽനിന്ന് പുക ഉയരുന്നത് കണ്ട് കാർ നിർത്തി ഇറങ്ങി ഒാടുകയായിരുന്നു. ഇവർ ഇറങ്ങിയ ഉടനെ കാർ കത്തി. തൃശൂരിൽനിന്ന് അഗ്നിശമന സേനയെത്തിയാണ് തീയണച്ചത്. മണലൂർ സ്വദേശി ലതയുടേതാണ് കാർ.