പുതുക്കാട് മാർക്കറ്റിന് സമീപം അറവ് മാലിന്യം തള്ളി

ആമ്പല്ലൂർ: പുതുക്കാട് മാർക്കറ്റിന് സമീപം അറവുമാലിന്യം തള്ളിയ നിലയിൽ. ഇവിടെ അനധികൃതമായി പ്രവർത്തിക്കുന്ന മത്സ്യ, മാംസ വിൽപന കേന്ദ്രത്തിൽനിന്നുള്ള മാംസാവശിഷ്ടങ്ങളാണ് മാർക്കറ്റിന് സമീപം തള്ളിയത്. പഞ്ചായത്തി​െൻറ ലൈസൻസില്ലാതെയാണ് മാർക്കറ്റിൽ അറവുശാലകൾ പ്രവർത്തിക്കുന്നത്. മതിയായ മാലിന്യ സംസ്കരണ സംവിധാനങ്ങളില്ലാതെ പ്രവർത്തിക്കുന്ന ഇവിടത്തെ അറവുശാലകൾക്ക് പ്രവർത്തനാനുമതി നിഷേധിച്ച് പഞ്ചായത്ത് അറിയിപ്പ് നൽകിയിട്ടുള്ളതാണ്. മഴക്കാലത്ത് മാർക്കറ്റിൽനിന്നുള്ള മലിന ജലം ദേശീയ പാതയിലേക്കാണ് ഒഴുക്കിവിടുന്നതെന്ന് ആക്ഷേപമുണ്ട്. മാലിന്യം തള്ളിയതോടെ പരിസരം ദുർഗന്ധപൂരിതമാണ്.