കൂറ്റന്മാർ 'അറസ്​റ്റിൽ'

തൃശൂര്‍: നഗരത്തില്‍ അലഞ്ഞ് തിരിഞ്ഞു നടന്ന കന്നുകാലികൾ വിരുന്നെത്തുന്ന കലാകാരൻമാർക്കും കാഴ്ചക്കാർക്കുമൊന്നും തലവേദനയാവില്ല. കാലികളെയെല്ലാം താൽക്കാലികമായി കോർപറേഷൻ ആരോഗ്യവിഭാഗം പിടിച്ചുകെട്ടി. വടക്കേച്ചിറക്ക് സമീപം വള്ളിക്കാട്ട് ലെയിന്‍ അറ്റ്ലസ് രാമചന്ദ്ര​െൻറ പറമ്പിലാണ് 35 കന്നുകാലികളെ കെട്ടിയത്. ജൂനിയര്‍ ഹെല്‍ത്ത് ഇന്‍സ്പെക്ടര്‍മാരായ സിസാറി​െൻറയും അനൂപി​െൻറയും നേതൃത്വത്തില്‍ മൂന്ന് ദിവസം കൊണ്ടാണിവയെ പിടികൂടിയത്. കാലോത്സവം കഴിഞ്ഞാൽ അഴിച്ച് വിടും. 1000 ചതുരശ്ര അടി വിസ്തീർണത്തില്‍ താല്‍ക്കാലിക തൊഴുത്തും ഒരുക്കിയിട്ടുണ്ട്. ഭക്ഷണവും വെള്ളവും നല്‍കാൻ സംവിധാനം ഇവിടെ ഉണ്ട്.