കാർ പാടത്തേക്ക് മറിഞ്ഞ് യുവാക്കൾക്ക് പരിക്ക്

മാപ്രാണം: നമ്പ്യാങ്കാവ് ക്ഷേത്രപരിസരത്തുനിന്ന് ആനന്ദപുരത്തേക്ക് പോകുന്ന മുരിയാട് ബണ്ട് റോഡിൽ കാർ പാടത്തേക്ക് മറിഞ്ഞു. യാത്രികരായ നാല് യുവാക്കൾക്ക് നിസ്സാര പരിക്കേറ്റു. ശനിയാഴ്ച ഉച്ചയോടെയാണ് അപകടം. നെല്ലായി സ്വദേശികളായ നാലുപേരാണ് കാറിലുണ്ടായിരുന്നത്. നിയന്ത്രണം നഷ്ടപ്പെട്ട കാർ പത്തടിയോളം താഴ്ച്ചയുള്ള പാടത്തേക്ക് മറിയുകയായിരുന്നു. അപകടത്തില്‍ നിസ്സാര പരിക്കുകളോടെ യുവാക്കള്‍ രക്ഷപ്പെട്ടു. പിന്നീട് െക്രയിന്‍ എത്തിച്ചാണ് കാർ റോഡിലേക്ക് കയറ്റിയത്.