മൂന്നാം റെയിൽപാത സർവേക്ക് അനുമതി

തൃശൂർ: ഷൊർണൂർ-എറണാകുളം മൂന്നാം റെയിൽപാത നിർമാണവുമായി ബന്ധപ്പെട്ട് അന്തിമ ലൊക്കേഷൻ സർവേക്ക് റയിൽവേ മന്ത്രാലയം അനുമതി നൽകി. 133.75 ലക്ഷം രൂപയാണ് ഇതിനായി അനുവദിച്ചത്. ഷൊർണൂർ-എറണാകുളം പാതയിലെ തിരക്കു മൂലം മൂന്നാമതൊരു പാത ദീർഘനാളത്തെ ആവശ്യമാണ്. ഇതിനായി സാധ്യത പഠനം നടന്നിരുന്നു. അന്തിമ സർവേക്ക് അനുമതി കിട്ടിയതോടെ പദ്ധതി പ്രാവർത്തികമാകുമെന്ന പ്രതീക്ഷ വർധിച്ചു.