ഷുൈഹബ് വധം; കോൺഗ്രസ് ധർണ നാളെ

തൃശൂർ: കേന്ദ്ര-സംസ്ഥാന സർക്കാറുകളുടെ ജനദ്രോഹ നടപടികൾക്കെതിരെയും പെട്രോൾ ഡീസൽ വിലവർധനക്കെതിരെയും ഷുഹൈബ് വധത്തിലെ യഥാർഥ പ്രതികളെ അറസ്റ്റ് ചെയ്യണമെന്നാവശ്യപ്പെട്ടും യു.ഡി.എഫി​െൻറ നേതൃത്വത്തിൽ മാർച്ച് അഞ്ചിന് നിയോജകമണ്ഡലം കേന്ദ്രങ്ങളിൽ രാപകൽ സമരം നടത്താൻ യു.ഡി.എഫ് ജില്ല കമ്മിറ്റി യോഗം തീരുമാനിച്ചു. ലീഗ് ജില്ല പ്രസിഡൻറായി തെരഞ്ഞെടുത്ത സി.എ.മുഹമ്മദ് റഷീദിനെയും കേരള കോൺഗ്രസ് ജെ ജില്ല പ്രസിഡൻറ് പി.എം. ഏലിയാസിനെയും അനുമോദിച്ചു. ഡി.സി.സി പ്രസിഡൻറ് ടി.എൻ. പ്രതാപൻ ഉദ്ഘാടനം ചെയ്തു. ചെയർമാൻ ജോസഫ് ചാലിശേരി അധ്യക്ഷത വഹിച്ചു. മുൻ മന്ത്രി കെ.പി.വിശ്വനാഥൻ, ജില്ല കൺവീനർ കെ.ആർ. ഗിരിജൻ, ഒ.അബ്ദുറഹിമാൻകുട്ടി, പി.എ.മാധവൻ, ടി.വി.ചന്ദ്രമോഹൻ, സി.എം.പി ജില്ല സെക്രട്ടറി പി.ആർ.എൻ.നമ്പീശൻ, ഫോർവേഡ് ബ്ലോക്ക് ജില്ല സെക്രട്ടറി രാജൻ പൈക്കാട്ട്, ലീഗ് സംസ്ഥാന സെക്രട്ടറി സി.എച്ച്.റഷീദ്, ജില്ല ജനറൽ സെക്രട്ടറി പി.എം.അമീർ, ഡി.സി.സി വൈസ് പ്രസിഡൻറുമാരായ ഐ.പി.പോൾ, ജോസഫ് ടാജറ്റ്, രാജേന്ദ്രൻ അരങ്ങത്ത്, സി.ഒ.ജേക്കബ്, ജോസ് കാട്ടൂക്കാരൻ, ഇ.വേണുഗോപാലമേനോൻ തുടങ്ങിയവർ സംസാരിച്ചു. ശുഹൈബ് വധത്തിൽ പ്രതിഷേധിച്ച് വൈകീട്ട് 4.30ന് കോർപറേഷൻ ഓഫിസ് പരിസരത്ത് കോൺഗ്രസ് സായാഹ്ന ധർണ നടത്തുമെന്ന് ഡി.സി.സി പ്രസിഡൻറ് അറിയിച്ചു.