കാറിടിച്ച്​ ബൈക്ക്​ യാത്രികന്​ പരിക്ക്​

പെരുമ്പിലാവ്: കാറിടിച്ച് ബൈക്ക് യാത്രികനായ യുവാവിന് പരിക്ക്. പെരുമ്പിലാവ് കാരേങ്ങൽ അബ്ദുൽ കരീമി​െൻറ മകൻ ആബിദിനാണ് (18) പരിക്കേറ്റത്. ഇയാളെ റോയൽ ആശുപത്രിയിൽ പ്രവേശിപ്പിച്ചു. ചൂണ്ടൽ-കുറ്റിപ്പുറം സംസ്ഥാന പാതയിൽ അക്കിക്കാവ് കമ്പിപ്പാലത്ത് ചൊവ്വാഴ്ച വൈകിട്ട് മൂന്നരയോടെയായിരുന്നു അപകടം. പെരുമ്പിലാവ് ഭാഗത്തേക്കാണ് ബൈക്ക് പോയിരുന്നത്.