ആദിവാസികൾക്ക് ഭൂമി; കലക്ടറും സംഘവും ഒളകര കോളനി സന്ദർശിച്ചു

പട്ടിക്കാട്: ഒളകര ആദിവാസി കോളനി വാസികൾക്ക് ഭൂമി വിതരണം ചെയ്യണമെന്ന ഏറെ കാലത്തെ ആവശ്യത്തിന് പരിഹാരം കാണുന്നതിനായി കലക്ടർ എ. കൗശിഗൻ സ്ഥലം സന്ദർശിച്ചു. പീച്ചി ഡാമം നിർമാണത്തിനായാണ് 41 ആദിവാസി കുടുംബങ്ങളെ കുടിഒഴിപ്പിച്ച് ഒളകരയിലേക്ക് മാറ്റി താമസിപ്പിച്ചത്. ആദിവാസികളുടെ കൃഷിയിടം വനംവകുപ്പ് ഉദ്യോഗസ്ഥർ നശിപ്പിക്കുന്നതായി നേരത്തെ പരാതി ഉയർന്നിരുന്നു. ഇതിനിടെ എം.എൽ.എ കെ. രാജൻ ഇടപ്പെട്ട് ഇവർക്ക് ഭൂമി നൽകണമെന്ന് ആവശ്യപ്പെട്ടിരുന്നു. ഇതോടെയാണ് കലക്ടർ സ്ഥലം സന്ദർശിച്ചത്. കെ. രാജൻ എം.എൽ.എയും സംഘത്തോടൊപ്പം ഉണ്ടായിരുന്നു.