ഏഴംഗ സംഘത്തി​െൻറ ആക്രമണത്തില്‍ വീട്ടമ്മക്കും മകനും പരിക്ക്

ചാവക്കാട്: പുന്നയില്‍ ഏഴംഗ സംഘത്തി​െൻറ ആക്രമണത്തില്‍ വീട്ടമ്മക്കും മകനും പരിക്ക്. പുന്ന നാലകത്ത് ബഷീറി​െൻറ ഭാര്യ ഷാജിത (48), മകന്‍ ഷബീര്‍ (24) എന്നിവര്‍ക്കാണ് പരിേക്കറ്റത്. ഇവര്‍ ചാവക്കാട് സ്വകാര്യ ആശുപത്രിയില്‍ ചികിത്സയിലാണ്. ചൊവ്വാഴ്ച വൈകീട്ട് അഞ്ചോടെയാണ് സംഭവം. ഷബീര്‍ ബൈക്കുമായി വീട്ടില്‍ നിന്നിറങ്ങിയ നേരത്ത് റോഡില്‍ തടഞ്ഞുനിര്‍ത്തി ഏഴോളം വരുന്ന സംഘം ആക്രമിക്കുകയായിരുന്നു. സംഭവം കണ്ട് തടയാനെത്തിയപ്പോഴാണ് ഷാജിതയെ ആക്രമിച്ചത്. ഇതു കണ്ട് നിലവിളിച്ചെത്തിയ ഇവരുടെ രണ്ട് പെണ്‍മക്കെളയും സംഘം ആക്രമിച്ചതായി ഷബീര്‍ പറഞ്ഞു. സംഭവത്തിനു മുമ്പ് എടക്കഴിയൂർ ഭാഗത്ത് നിന്ന് വരുന്നതിനിടെ ഷബീറി​െൻറ ബൈക്കിൽ മറ്റൊരു ബൈക്ക് തട്ടിയതുമായി ബന്ധപ്പെട്ട് തര്‍ക്കമുണ്ടായിരുന്നു. ഈ സംഭവത്തി​െൻറ തുടര്‍ച്ചയാണ് പിന്നീടുണ്ടായതെന്ന് കരുതുന്നു. ഇരുമ്പ് പൈപ്പുകളും മറ്റും ഉപയോഗിച്ചാണ് സംഘം ആക്രമിച്ചതെന്ന് ഷബീര്‍ പറഞ്ഞു. ചാവക്കാട് പൊലീസ് ആശുപത്രിയിലെത്തി മൊഴിയെടുത്തു.