വനിത ലീഗ് നേതാവിനെ പീഡിപ്പിച്ചെന്ന പരാതിയിൽ കോൺഗ്രസ് നേതാവിനെതിരെ കേസ്​

ചാവക്കാട്: വനിത ലീഗ് നേതാവിനെ പീഡിപ്പിച്ചെന്ന പരാതിയിൽ കോൺഗ്രസ് നേതാവിനെതിരെ കേസെടുത്തു. കോൺഗ്രസ് ഗുരുവായൂർ ബ്ലോക്ക് മുൻ സെക്രട്ടറിയും കടപ്പുറം പഞ്ചായത്ത് മുൻ വൈസ് പ്രസിഡൻറുമായിരുന്ന കെ.എം. ഇബ്രാഹിമിനെതിരെയാണ് ചാവക്കാട് പൊലീസ് കേസെടുത്തത്. സംസ്ഥാന പൊലീസ് മേധാവിക്കാണ് വനിത ലീഗ് നേതാവ് പരാതി നൽകിയത്. ഇബ്രാഹിം പഞ്ചായത്ത് വൈസ് പ്രസിഡൻറായിരുന്നപ്പോഴാണ് പീഡിപ്പിച്ചതേത്ര. അക്കാലത്തും പിന്നീട് പഞ്ചായത്തിൽ വെച്ചും ഉപദ്രവിച്ചതായും വനിത നേതാവ് പരാതിപ്പെട്ടു. പീഡനത്തിന് വഴങ്ങാത്തതി​െൻറ പേരിൽ ഭർത്താവിനെ അദ്ദേഹം ജോലി ചെയ്യുന്ന സ്ഥാപനത്തിൽ വെച്ച് മാനസികമായി പീഡിപ്പിച്ചതായും ജോലിയിൽ നിന്ന് പുറത്താക്കിയതായും അവർ പറഞ്ഞു. കഴിഞ്ഞ ഡിസംബർ ഏഴിന് ഇയാൾ വീട്ടിലെത്തി പീഡിപ്പിക്കാൻ ശ്രമിച്ചു എന്ന ആരോപണവുമായാണ് വനിത ലീഗ് നേതാവ് രംഗത്തെത്തിയത്. കഴിഞ്ഞ ശനിയാഴ്ചയാണ് പൊലീസ് മേധാവിക്ക് ഇവർ പരാതി നൽകിയത്. തുടർന്ന് ചാവക്കാട് മജിസ്ട്രേറ്റിന് മുന്നിൽ ഹാജരായി മൊഴിയും നൽകിയതായി അവർ വ്യക്തമാക്കി.