സൈക്കിൾ വിതരണം

പാവറട്ടി: വെങ്കിടങ്ങ് പഞ്ചായത്തിലെ ഏനാമാക്കൽ സ​െൻറ് ജോസഫ്സ് ഹൈസ്കൂളിൽ 112 വിദ്യാർഥികൾക്കുള്ള ചെയ്തു. പ്രസിഡൻറ് രതി എം. ശങ്കർ ഉദ്ഘാടനം ചെയ്തു. വൈസ് പ്രസിഡൻറ് കെ.വി. മനോഹരൻ അധ്യക്ഷത വഹിച്ചു. ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ കെ.വി. വേലുകുട്ടി, വികസന സ്റ്റാൻഡിങ് കമ്മിറ്റി ചെയർപേഴ്സൻ രത്നവല്ലി സുരേന്ദ്രൻ, വിദ്യാഭ്യാസ ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൻ സജ സാദത്ത്, പഞ്ചായത്ത് അസിസ്റ്റൻറ് സെക്രട്ടറി പി.എസ്. അബ്ദുൽ റസാഖ്, എൻ.കെ. വിമല, അപ്പു ചീരോത്ത്, ശോഭന മുരളി, ഷൈലജ മധു, പ്രധാനാധ്യാപകൻ പി.ടി. ചാക്കോ എന്നിവർ സംസാരിച്ചു. മൂന്ന് ഘട്ടങ്ങളിലായി പത്ത് ലക്ഷം രൂപ ചെലവഴിച്ച് 215 സൈക്കിളാണ് എട്ട്, ഒമ്പത്, പത്ത് ക്ലാസിൽ പഠിക്കുന്ന കുട്ടികൾക്ക് നൽകിയത്.