അപ്പൻ തമ്പുരാൻ പുരസ്​കാരം: കൃതികൾ ക്ഷണിച്ചു

തൃശൂർ: അയ്യന്തോൾ അപ്പൻ തമ്പുരാൻ സ്മാരക വായനശാല പുരസ്കാരത്തിന് കൃതികൾ ക്ഷണിച്ചു. 2015, 2016, 2017 വർഷങ്ങളിൽ ആദ്യ പതിപ്പായി പ്രസിദ്ധീകരിച്ച നോവലിനാണ് അവാർഡ് നൽകുക. വിവർത്തനം പരിഗണിക്കില്ല. 5,001 രൂപയും ഫലകവും പ്രശസ്തിപത്രവും അടങ്ങുന്നതാണ് അവാർഡ്. നിർദേശിക്കുന്ന കൃതിയുടെ മൂന്ന് കോപ്പി വീതം സെക്രട്ടറി, അപ്പൻ തമ്പുരാൻ സ്മാരക വായനശാല, അയ്യന്തോൾ, തൃശൂർ 680 003 എന്ന വിലാസത്തിൽ മാർച്ച് 31നകം ലഭിക്കണം.