ദേശീയ പുസ്തകോത്സവത്തിന്​ തിരക്കേറി

തൃശൂർ: സാഹിത്യ അക്കാദമി ദേശീയ പുസ്തകോത്സവത്തിനും സാംസ്‌കാരികോത്സവത്തിനും തിരക്കേറി. സ്വെറ്റ്‌ലാന അലക്‌സിവിച്ചി​െൻറ 'യുദ്ധഭൂമിയിലെ സ്ത്രീ പോരാളികള്‍', 'ക്ലാവ് പിടിച്ച കാലം' തുടങ്ങിയ പരിഭാഷ കൃതികള്‍ക്ക് നിരവധി അന്വേഷകർ എത്തി. ഒ.എ.ന്‍വിയുടെ 'അരികില്‍ നീ ഉണ്ടായിരുന്നെങ്കിൽ', മാധവിക്കുട്ടിയുടെ 'സമ്പൂര്‍ണ കഥകള്‍', ബെന്യാമി​െൻറ 'മാന്തളിരിലെ ഇരുപത് കമ്യൂണിസ്റ്റ് വര്‍ഷങ്ങൾ', പത്മനാഭ​െൻറ കഥകൾ, തകഴിയുടെ തെരഞ്ഞെടുത്ത കഥകൾ, വയലാര്‍ കൃതികൾ, പി.ജെ.ആൻറണിയുടെ സമ്പൂര്‍ണ കൃതികള്‍ എന്നിവക്കും നിരവധി അന്വേഷകരുണ്ട്. സംസ്ഥാന പുരാരേഖ വകുപ്പ് പ്രസിദ്ധീകരിച്ച സ്വാതന്ത്ര്യ സമര സേനാനികളുടെ നിരോധിക്കപ്പെട്ട കൃതികൾ, സ്വാതന്ത്ര്യ സമര ഭടന്മാരുടെ തെരഞ്ഞെടുക്കപ്പെട്ട പ്രബന്ധങ്ങൾ, ശക്തന്‍ തമ്പുരാ​െൻറ തെരഞ്ഞെടുത്ത ഭരണരേഖകള്‍ എന്നിവ ശ്രദ്ധേയങ്ങളാണ്. മതാതീത ആത്മീയത, ജീവസ്പന്ദനം തൊട്ടറിയുന്ന ആത്മകഥകള്‍, ജീവചരിത്രങ്ങള്‍, സംസ്‌കാരപഠനം, മലയാളത്തനിമ നിറയുന്ന കാവ്യസമാഹാരങ്ങള്‍, സഞ്ചാരസാഹിത്യം തുടങ്ങി വിവിധ മേഖലകളിലുള്ള ഗ്രന്ഥങ്ങള്‍ പുസ്തകോത്സവത്തിന് സവിശേഷത പകരുന്നു. മലയാളിയുടെ സാംസ്‌കാരികബോധത്തേയും ചരിത്രവീക്ഷണത്തേയും പൈതൃകപ്പെരുമയേയും അടുത്തറിയുന്ന ഡോ.എസ്.കെ. വസന്ത​െൻറ കേരളസംസ്‌കാര ചരിത്രനിഘണ്ടു വൈജ്ഞാനികലോകത്തിന് മുതൽകൂട്ടാണ്. വിഷ്ണു നമ്പൂതിരിയുടെ നാടന്‍ഭാഷ നിഘണ്ടുവും ശ്രദ്ധിക്കപ്പെടുന്നുണ്ട്. നെഹ്റുവി​െൻറ ഇന്ത്യയെ കണ്ടെത്തൽ, വാഗ്ഭടാനന്ദ​െൻറ സമ്പൂര്‍ണകൃതികൾ, ആര്‍ബര്‍ട്ട് ഐന്‍സ്റ്റീ​െൻറ ജീവിതവും ശാസ്ത്രവും ദര്‍ശനവും പ്രതിപാദിക്കുന്ന ഡോ.ജോര്‍ജ് വര്‍ഗീസി​െൻറ രചന, ചരിത്രത്തെ കെട്ടുകഥകളില്‍നിന്ന് മോചിപ്പിക്കുന്ന പി.ഭാസ്‌കരനുണ്ണിയുടെ 19ാം നൂറ്റാണ്ടിലെ കേരളം, പി. ഗോവിന്ദപ്പിള്ളയുടെ തെരഞ്ഞെടുത്ത പ്രബന്ധങ്ങൾ, ശാസ്ത്രപ്രചാരകനായ സി. രവിചന്ദ്ര​െൻറ നാസ്തികനായ ദൈവം, പകിട 13, വെളിച്ചപ്പാടി​െൻറ ഭാര്യ, എസ്.ജാനകിയുടെ ആത്മകഥയായ ആലാപനത്തി​െൻറ തേനും വയമ്പും, ചാപ്ലി​െൻറ എ​െൻറ ആത്മകഥ, എം.മുകുന്ദ​െൻറ കുട നന്നാക്കുന്ന ചോയി, കെ.പി. രാമനുണ്ണിയുടെ ദൈവത്തി​െൻറ പുസ്തകം തുടങ്ങിയവയും വായനക്കാരെ ആകര്‍ഷിക്കുന്നു.