പതാക ജാഥക്ക്​ സ്വീകരണം

വടക്കാഞ്ചേരി: ഫെബ്രുവരി 10 മുതൽ 12വരെ കണ്ണൂരിൽ നടക്കുന്ന എട്ടാമത് സഹകരണ കോൺഗ്രസിൽ ഉയർത്തുന്നതിനുള്ള പതാക ജാഥക്ക് വടക്കാഞ്ചേരിയിൽ സ്വീകരണം നൽകി. ജില്ല പഞ്ചായത്ത് പ്രസിഡൻറ് മേരി തോമസ് ഉദ്ഘാടനം ചെയ്തു. സഹകരണ ജോ. രജിസ്ട്രാർ (ജനറൽ) ടി.കെ. സതീഷ് കുമാർ അധ്യക്ഷത വഹിച്ചു. ജാഥ ലീഡർ എം. മെഹബൂബ്, ഡെപ്യൂട്ടി ലീഡർ എ. പ്രദീപൻ, പ്രൈമറി കോ-ഓപറേറ്റീവ് ബാങ്ക് അസോസിയേഷൻ പ്രസിഡൻറ് കെ.കെ. മുരളീധരൻ, തലപ്പിള്ളി സഹകരണ അസി. രജിസ്ട്രാർ (ജനറൽ) പി.വി. സിന്ധു, വടക്കാഞ്ചേരി സർവീസ് സഹകരണ ബാങ്ക് പ്രസിഡൻറ് എൻ.ടി. ബേബി, പെരിങ്ങണ്ടൂർ സഹകരണ ബാങ്ക് പ്രസിഡൻറ് എം.ആർ. ഷാജൻ, അമ്പലപ്പാട് സഹകരണ ബാങ്ക് പ്രസിഡൻറ് കുരിയാക്കോസ് എന്നിവർ സംസാരിച്ചു.