എടവിലങ്ങ്​ ഗവ.ഹയർ സെക്കൻഡറിയിൽ സ്മാർട്ട് ക്ലാസ്് മുറികൾ തുറന്നു

കൊടുങ്ങല്ലൂർ: എടവിലങ്ങ് ഗവ.ഹയർ സെക്കൻഡറി സ്കൂളിൽ ഇ.ടി. ടൈസൻ എം.എൽ.എയുടെ വികസന ഫണ്ട് ഉപയോഗിച്ച് നിർമിച്ച ഹൈടെക്ക് ക്ലാസ് മുറികൾ മന്ത്രി കടന്നപ്പിള്ളി രാമചന്ദ്രൻ ഉദ്ഘാടനം ചെയ്തു. ഇ.ടി. ടൈസൻ എം.എൽ.എ അധ്യക്ഷത വഹിച്ചു. വിരമിക്കുന്ന ജി.എൽ.പി.എസ് പ്രധാന അധ്യാപിക ഇ.വി. ജൂലിയറ്റ്, അധ്യാപകരായ കെ.കെ. സുലോചന, നീന, സി.വി. ഷീല എന്നിവർക്ക് ഗ്രാമപഞ്ചായത്ത് പ്രസിഡൻറ് അംബിക അശോകൻ ഉപഹാരം സമർപ്പിച്ചു. പ്രധാന അധ്യാപിക എസ്. ബിന്ദു അക്കാദമിക്ക് മാസ്റ്റർ പ്ലാൻ പ്രഖ്യാപിച്ചു. ജന പ്രതിനിധികളായ നൗഷാദ് കൈതവളപ്പിൽ, കെ.കെ. രമേഷ്ബാബു, സുമ വൽസൻ, എം.ജി. അനിൽകുമാർ, എം.വി. ഇന്ദിര, ടി.എം. ഷാഫി, മിനി തങ്കപ്പൻ, കെ.ബി. െഷഫീഖ്, കെ.കെ. ഉണ്ണികൃഷ്ണൻ, എ.പി. ആദർശ്, സുരേഷ്കുമാർ, ലൈസ പ്രതാപൻ, ജൈനി ജോഷി, പ്രസന്ന ശിവദാസൻ, സജിത അമ്പാടി, പ്രിൻസിപ്പൽ ആർ.വി. അനിൽകുമാർ, അധ്യാപകൻ പി.എ. മുഹമ്മദ് സിദ്ദീഖ് എന്നിവർ സംസാരിച്ചു.