വനിത സംഗമം: സ്വാഗതസംഘം രൂപവത്​കരിച്ചു

തൃശൂർ: വനിത ദിനത്തോടനുബന്ധിച്ച് 'പെൺകരുത്ത് നീതിക്ക് പ്രതിരോധത്തിന്' എന്ന തലക്കെട്ടിൽ ജമാഅത്തെ ഇസ്ലാമി വനിത വിഭാഗം സംഘടിപ്പിക്കുന്ന വനിതസംഗമത്തി​െൻറ സ്വാഗതസംഘം രൂപവത്കരിച്ചു. സംസ്ഥാന വൈസ് പ്രസിഡൻറ് പി.സി. ഉമ്മുകുൽസു ഉദ്ഘാടനം ചെയ്തു. സെക്രട്ടറി സി.വി. ജമീല അധ്യക്ഷത വഹിച്ചു. മാർച്ച് എട്ടിന് തൃശൂർ ടൗൺഹാളിലാണ് സംഗമം. സ്വാഗതസംഘം കൺവീനറായി ജില്ല പ്രസിഡൻറ് ഖദീജ റഹ്മാനെയും വിവിധ കമ്മിറ്റികളെയും കൺവീനർമാരെയും തെരഞ്ഞെടുത്തു. ജമാഅത്തെ ഇസ്ലാമി ജില്ല പ്രസിഡൻറ് എം.എ. ആദം, സംസ്ഥാന സമിതിയംഗങ്ങളായ അസൂറ അലി, ഹുദ ബിൻത് ഇബ്രാഹിം, ഷെരീഫ അമീൻ, ഏരിയ കൺവീനർ എൻ.എ. മുഹമ്മദ് എന്നിവർ സംസാരിച്ചു.