പറയങ്ങാട് ആണ്ട് നേർച്ച ഇന്ന് തുടങ്ങും

വടക്കേക്കാട്: പറയങ്ങാട് മഖാമിൽ ആറു ദിവസം നീണ്ടു നിൽക്കുന്ന ആണ്ട് നേർച്ച ചൊവ്വാഴ്ച വൈകീട്ട് ഏഴിന് ജുമാമസ്ജിദ് ഇമാം അലി ഫൈസി ഉദ്ഘാടനം ചെയ്യും. ബഷീർ അസ്ലമി മുഖ്യപ്രഭാഷണം നടത്തും. വെള്ളിയാഴ്ച വരെ വിവിധ വിഷയങ്ങളിൽ പ്രഭാഷണമുണ്ടാകും. ശനിയാഴ്ച വൈകീട്ട് നാലിന് പ്രാർഥന സമ്മേളനത്തിന് കോഴിക്കോട് വലിയ ഖാദി അബ്ദുൽ നാസർ ശിഹാബ് തങ്ങൾ നേതൃത്വം നൽകും. ഞായറാഴ്ച ഭക്ഷണ വിതരണത്തോടെ സമാപിക്കും.