നിയന്ത്രണം വിട്ട ബസ് കനാലിലേക്ക്​ ഓടിയിറങ്ങി

നാലുപേർക്ക് പരിക്ക് ചെറുതുരുത്തി: പൈങ്കുളം - തൊഴുപ്പാടം റോഡിൽ മുല്ലകാവിന് സമീപം കനാൽ ബണ്ടിൽ നിയന്ത്രണം വിട്ട സ്വകാര്യ ബസ് ഏഴടി താഴ്ചയുള്ള ചീരക്കുഴി കനാലിലേക്ക് ഓടിയിറങ്ങി നാലുപേർക്ക് പരിക്കേറ്റു. ഷൊർണൂർ - തൊഴുപ്പാടം റൂട്ടിലോടുന്ന പള്ളിയ്ക്കൽ ബസാണ് അപകടത്തിൽപെട്ടത്. ഇന്നലെ രാവിലെ 9.30 ഓടെയായിരുന്നു അപകടം ഷൊർണൂരിൽ നിന്ന് തൊഴുപ്പാടത്തേക്ക് പോകുന്നതിനിടെ ബസി​െൻറ മുൻവശെത്ത ലീഫ് പൊട്ടി നിയന്ത്രണം നഷ്ടപ്പെടുകയായിരുന്നു. സമീപമുള്ള പോസ്റ്റിൽ ഇടിച്ചാണ് കനാലിലേക്ക് ഓടിയിറങ്ങിയതെന്നതിനാൽ വൻ ദുരന്തം ഒഴിവായി. ഇടിയുടെ ആഘാതത്തിൽ പോസ്റ്റ് തകർന്നു. പരിക്കേറ്റ യാത്രക്കാരായ പ്രീജ (41), വിജയൻ -(63), ശിവശങ്കരൻ - (8), മീനാക്ഷി -(35) എന്നിവരെ ഒറ്റപ്പാലത്തെ സ്വകാര്യ ആശുപത്രിയിൽ പ്രവേശിപ്പിച്ചു. അപകടം നടക്കുമ്പോൾ ബസിൽ 12 പേർ മാത്രമാണ് ഉണ്ടായിരുന്നത്. പൊലീസ് സ്ഥലത്തെത്തി. രണ്ടുമാസം മുമ്പാണ് റോഡ് പണി തീർത്തത്. സുരക്ഷാ ഭിത്തിയില്ലാത്തതാണ് അപകട കാരണമെന്ന് ജനങ്ങൾക്ക് പരാതിയുണ്ട്.