ഔഷധകൃഷിക്ക് തുക വകയിരുത്താതിരുന്നത് ഖേദകരം

തൃശൂർ: അലോപ്പതിയോടൊപ്പം ആയുർവേദത്തിനും മതിയായ പരിഗണന നൽകിയ ബജറ്റ് സ്വാഗതാർഹമാണെന്ന് ആയുർവേദ നിർമാതാക്കളുടെ സംഘടന. കാർഷിക മേഖലയിൽ ഔഷധ-സസ്യകൃഷിക്ക് പരിഗണന നൽകാതിരുന്നത് ഖേദകരമാണ്. മറ്റത്തൂരിലെ ഔഷധ സസ്യകൃഷിക്കായി തുക വകയിരുത്തേണ്ടതായിരുന്നു. കേന്ദ്ര പദ്ധതിയായ ആർ.എസ്.ബി.വൈയിൽ ആയുർവേദത്തിന് പ്രത്യേക ഇടം നൽകിയപ്പോൾ സംസ്ഥാന പദ്ധതിയിൽ അവഗണിച്ചത്, മേലിൽ കേന്ദ്ര വിഹിതം അനുവദിക്കുന്നതിന് തടസ്സമായേക്കും. തീരദേശത്ത് ടൂറിസം സാധ്യതയെ പ്രയോജനപ്പെടുത്തി ആയുർവേദ പഞ്ചകർമ സ​െൻററുകൾ സജ്ജമാക്കിയാൽ ഓഖി ദുരന്തം അനുഭവപ്പെട്ട തീരദേശമേഖലയിലെ സ്ത്രീ സംരക്ഷണത്തിനും വരുമാനത്തിനും പ്രയോജനകരമാവുമെന്ന് അസോസിയേഷൻ ജന. സെക്രട്ടറി ഡോ.ഡി. രാമനാഥൻ അറിയിച്ചു.