പ്രളയം ബാധിച്ച എല്ലാവർക്കും സഹായം നൽകണം- ആർ.എം.പി.ഐ

വാടാനപ്പള്ളി: ക്യാമ്പുകളിൽ രജിസ്റ്റർ ചെയ്തോയെന്ന് പരിഗണിക്കാതെ പ്രളയത്തിനിരയായ എല്ലാ കുടുംബങ്ങൾക്കും സഹായം അനുവദിക്കണമെന്ന് ആർ.എം.പി.ഐ നാട്ടിക മേഖലാ കമ്മിറ്റി ആവശ്യപ്പെട്ടു. ഔദ്യോഗിക സംവിധാനമുപയോഗിച്ച് പരിശോധന നടത്തണം. ബന്ധുവീടുകളിൽ അഭയം തേടിയവർക്കും വലിയ നഷ്ടം സംഭവിച്ചിട്ടുണ്ട്. നാശനഷ്ടങ്ങളുടെ പ്രാഥമിക കണക്കെടുപ്പ് ഉദ്യോഗസ്ഥരെെവച്ച് നടത്തണം. തോടുകൾ ഉൾപ്പെടെയുള്ള ജലാശയങ്ങൾ നികത്താതിരിക്കാൻ നടപടിയുണ്ടാകണം. നികത്തിയ തോടുകൾ പുനർ നർമിക്കാൻ പഞ്ചായത്തുകൾ തയാറാകണമെന്നും ആർ.എം.പി.ഐ നാട്ടിക മേഖല പ്രസിഡൻറ് ഇ.വി. ദിനേശ് കുമാർ, സെക്രട്ടറി കെ.എസ്. ബിനോജ് എന്നിവർ ആവശ്യപ്പെട്ടു.