ക്യാമ്പുകൾ സന്ദർശിച്ചു

പെരുമ്പിലാവ്: ജമാഅത്തെ ഇസ്ലാമി കുന്നംകുളം ഏരിയ നേതാക്കളും പ്രവർത്തകരും കടവല്ലൂരിലെ കൊരട്ടിക്കരയിലും കാട്ടകാമ്പാലിലെ പഴഞ്ഞി സ്കൂൾ, കാട്ടകാമ്പാൽ ഇ.എം.എൽ.പി സ്കൂൾ എന്നിവിടങ്ങളിലെ ദുരിതാശ്വാസ ക്യാമ്പുകൾ സന്ദർശിച്ചു. പെരുമ്പിലാവ്: വെൽഫെയർ പാർട്ടി കടവല്ലൂർ പഞ്ചായത്ത് കമ്മിറ്റി നേതൃത്വത്തിൽ കൊരട്ടിക്കര എൽ.പി സ്കൂൾ ദുരിതാശ്വാസ ക്യാമ്പിലെ 44 ഒാളം പേർക്ക് കിടക്കാൻ പായയും പ്രാതലിന് നൽകാൻ നേന്ത്രക്കുലകളും നൽകി. ദുരിത ബാധിതർക്ക് കൈത്താങ്ങ് പെരുമ്പിലാവ്: അൻസാർ സ്കൂൾ ഓഫ് സ്പെഷൽ എജുക്കേഷനിലെ മാനസിക ശാരീരിക വൈകല്യമുള്ള വിദ്യാർഥികൾ അവരുടെ തൊഴിൽ പരിശീലനത്തി​െൻറ ഭാഗമായി നിർമിച്ച സോപ്പ്, മെഴുകുതിരി, കുട, ഫിനോയിൽ, എൽ.ഇ.ഡി ബൾബ്, പേപ്പർ, പേന മുതലായവ വയനാട്ടിലെ ദുരിതാശ്വാസ ക്യാമ്പുകളിലേക്ക് നൽകി. അൻസാർ മ​െൻറൽ ഹെൽത്ത്‌ ഡയറക്ടർ പ്രഫ. ഇ. മുഹമ്മദ്, അൻസാർ ഹോസ്പിറ്റൽ ഡെപ്യൂട്ടി ഡയറക്ടർ പി.എ. ഷെഹീദ്, പ്രിൻസിപ്പൽ ലത ബാലകൃഷ്ണൻ എന്നിവർ സംസാരിച്ചു. വെൽഫെയർ പാർട്ടി കടവല്ലൂർ പഞ്ചായത്ത് കമ്മിറ്റി പ്രസിഡൻറ് എം.എ. കമറുദ്ദീൻ വിദ്യാർഥികളിൽ നിന്ന് സഹായം സ്വീകരിച്ചു.