വീട്ടിലേക്ക് മടങ്ങുമ്പോൾ അരിയും വസ്ത്രവുമടങ്ങിയ കിറ്റ്

തൃശൂർ: ദുരിതാശ്വാസ ക്യാമ്പുകളിൽ കഴിയുന്ന കുടുംബങ്ങൾ വീട്ടിലേക്ക് മടങ്ങുമ്പോൾ അരിയും വസ്ത്രവും മറ്റും അടങ്ങിയ കിറ്റുകൾ നൽകും. ക്യാമ്പുകളിലേക്കായി ശേഖരിച്ച വസ്തുക്കളോടൊപ്പം പലവ്യഞ്ജനങ്ങളുമടങ്ങിയ കിറ്റ് നൽകാൻ സിവിൽ സപ്ലൈസ് വകുപ്പിന് നിർദേശം നൽകി സർക്കാർ ഉത്തരവിറക്കി. അരി -അഞ്ച് കി.ഗ്രാം, ചെറു പയർ -500 ഗ്രാം, തുവര പരിപ്പ് -500 ഗ്രാം, വെളിച്ചെണ്ണ -500 ഗ്രാം, സാമ്പാർ പൊടി -200 ഗ്രാം, മുളകുപൊടി -200 ഗ്രാം, മല്ലിപ്പൊടി -200 ഗ്രാം, മഞ്ഞൾപൊടി -50 ഗ്രാം, പഞ്ചസാര -500 ഗ്രാം, സവാള -ഒരു കി.ഗ്രാം, ഉള്ളി -500 ഗ്രാം, ഉരുളക്കിഴങ്ങ് -ഒരു കി.ഗ്രാം, ബീൻസ് -500 ഗ്രാം എന്നിവക്ക് പുറമെ ബക്കറ്റ്, കപ്പ്, സോപ്പ്, ടൂത്ത് പേസ്റ്റ്, ബ്രഷ്, കൈലി മുണ്ട്, നൈറ്റി, കുട്ടികൾക്കുള്ള ഡ്രസ്സ് എന്നിവയാണ് കിറ്റിലുണ്ടാകുക.