43 ട്രാൻസ്ഫോർമറുകൾ പ്രവർത്തിപ്പിച്ചു തുടങ്ങി

തൃശൂർ: കെ.എസ്.ഇ.ബി തൃശൂര്‍ സര്‍ക്കിളിന് കീഴില്‍ പ്രളയം മൂലം ഓഫ് ചെയ്ത 43 ട്രാന്‍സ്‌ഫോര്‍മറുകള്‍ കൂടി ചാര്‍ജ് ചെയ്തു. ഇതുമൂലം 8207 ഉപഭോക്താക്കള്‍ക്ക് വൈദ്യുതി പുനഃസ്ഥാപിച്ചു. വെള്ളം കയറിയ സ്ഥലങ്ങളിലെ 35ഓളം ട്രാന്‍സ്‌ഫോര്‍മറുകളില്‍ വൈദ്യുതി പുനഃസ്ഥാപിക്കുന്ന ജോലി പുരോഗമിക്കുകയാണ്. വെള്ളം കയറിയ നിരവധി വീടുകളുടെ വയറിങ് ജീവനക്കാരുടെ നേതൃത്വത്തില്‍ പരിശോധിച്ച് വൈദ്യുതി പുനഃസ്ഥാപിക്കുന്ന ജോലികളും പുരോഗമിക്കുന്നതായി കെ.എസ്.ഇ.ബി അധികൃതര്‍ അറിയിച്ചു.