ദുരിതാശ്വാസ ക്യാമ്പിൽനിന്ന് ഭക്ഷണസാമഗ്രികൾ കടത്തിയെന്ന് പരാതി

ഇരിങ്ങാലക്കുട: പ്രളയക്കെടുതിയിൽപ്പെട്ടവർക്കായി വിവിധയിടങ്ങളിൽനിന്ന് സമാഹരിച്ച ഭക്ഷണസാമഗ്രികളും മറ്റു അവശ്യ വസ്തുക്കളും വ്യാജകത്തുപയോഗിച്ച് കടത്തിയതായി പരാതി. ഇരിങ്ങാലക്കുട ക്രൈസ്റ്റ് കോളജിൽ പ്രവർത്തിക്കുന്ന ക്യാമ്പി‍​െൻറ കലക്‌ഷൻ സ​െൻററിൽനിന്ന് മൂന്ന് ദിവസം മുമ്പ് വടക്കുംകര വില്ലേജ് ഓഫിസിന് കീഴിൽ പ്രവർത്തിക്കുന്ന വെള്ളാങ്ങല്ലൂർ യു.പി സ്കൂളിലെ ദുരിതാശ്വാസ ക്യാമ്പിലേക്കാണെന്ന് പറഞ്ഞാണ് വ്യാജകത്ത് ഉപയോഗിച്ച് ഭക്ഷണ സാമഗ്രികൾ കടത്തിയത്. വടക്കുംകര വില്ലേജ് ഓഫിസർ ക്യാമ്പിലേക്ക് ആവശ്യമായ വസ്തുക്കൾ ശേഖരിക്കാനെത്തിയപ്പോഴാണ് വേറൊരു സംഘം ഈ ക്യാമ്പിലേക്കാണെന്ന് പറഞ്ഞു വസ്തുക്കൾ കടത്തിയ വിവരം അറിയുന്നത്. തട്ടിപ്പ് നടത്തിയവരെ കുറിച്ചുള്ള വിവരങ്ങൾ അന്വേഷിച്ചു വരികയാണെന്ന് പൊലീസ് പറഞ്ഞു.