ക്യാമ്പുകളിൽ ഇന്ന് സാഹോദര്യത്തിെൻറ പെരുന്നാൾ വിഭവം വിളമ്പും

കൊടുങ്ങല്ലുർ: മതിലകം സ്കൂളുകളിൽ പ്രവർത്തിക്കുന്ന ദുരിതാശ്വാസ ക്യാമ്പുകളിൽ ബുധനാഴ്ച മാനവ സാഹോദര്യത്തി​െൻറ പെരുന്നാൾ വിഭവം വിളമ്പും. പ്രളയക്കെടുതിക്കിരയായവർക്ക് െഎക്യദാർഢ്യമേകി മതിലകം മഹല്ല് കമ്മിറ്റി കൈമാറിയ പോത്തി​െൻറ ഇറച്ചിയും നെയ്ചോറുമായിരിക്കും ബുധനാഴ്ച ദുരിതാശ്വാസ ക്യമ്പിലെ ഉച്ച ഭക്ഷണം. രാത്രി മട്ടനും പത്തിരിയുമായിരിക്കും ഭക്ഷണം. പെരുന്നാളിനോട് അനുബന്ധിച്ച് നടക്കുന്ന ബലി അറവി​െൻറ പശ്ചാത്തലത്തിലാണ് പോത്തിനെ കൈമാറാൻ തീരുമാനിച്ചത്. മഹല്ല് പ്രസിഡൻറ് വി.എം. ഹംസ ഹാജി, സെക്രട്ടറി കെ.ബി. അബ്്ദു എന്നിവരുടെ നേതൃത്വത്തിൽ കൈമാറിയ മാടിനെ ഗ്രാമപഞ്ചായത്ത് പ്രസിഡൻറ് ഇ.ജി. സുരേന്ദ്ര​െൻറ നേതൃത്വത്തിൽ ദുരിതാശ്വാസ ക്യമ്പിന് നേതൃത്വം നൽകുന്നവർ ഏറ്റുവാങ്ങി.