സഹായവുമായി പൂർവവിദ്യാർഥികൾ

വടക്കേക്കാട്: വട്ടംപാടം ഐ.സി.എ ഇംഗ്ലീഷ് സ്കൂളിൽ ശനിയാഴ്ച നടത്താനിരുന്ന പൂർവ വിദ്യാർഥി സംഗമം പ്രളയക്കെടുതിയുടെ പശ്ചാത്തലത്തിൽ ഒഴിവാക്കി. സംഗമത്തിൽ പങ്കെടുക്കാനെത്തിയവർ മേഖലയിലെ ദുരിതാശ്വാസ ക്യാമ്പുകളും പ്രളയബാധിത പ്രദേശങ്ങളും സന്ദർശിച്ചു. കുടിവെള്ളം, വസ്ത്രം, ഭക്ഷണ സാധനങ്ങൾ, മരുന്നുകൾ തുടങ്ങിയവ വിതരണം ചെയ്തു. വടക്കേക്കാട്, പ്രിൻസിപ്പൽ മുഹമ്മദ് ബഷീർ, പൂർവ വിദ്യാർഥി സമിതി ഭാരവാഹികളായ ഡോ. അബ്ദുല്ലത്തീഫ്, നസീർ, ആരിഫ്, ഷമീർ, ഹാരിസ് പോത്തമ്മൽ എന്നിവർ നേതൃത്വം നൽകി