പ്രളയക്കെടുതി

വടക്കേക്കാട്: പഞ്ചായത്തിലെ കോളനികളിൽ വെള്ളം കയറി നൂറുകണക്കിന് വീടുകൾക്ക് നാശനഷ്ടങ്ങളുണ്ടായി. വീട്ടുകാരെ തിരുവളയന്നൂർ ഹയർ സെക്കൻഡറി സ്കൂൾ, കൊച്ചനൂർ ഗവ. ഹയർ സെക്കൻഡറി സ്കൂൾ, ഞമനേങ്ങാട് കണ്ടമ്പുള്ളി എൽ.പി.സ്കൂൾ, കവുക്കാനപ്പെട്ടി എ.എൽ.പി.സ്കൂൾ വൈലത്തൂർ സ​െൻറ് സിറിയക് പള്ളി എന്നിവിടങ്ങളിൽ ദുരിതാശ്വാസ ക്യാമ്പുകളിലേക്ക് മാറ്റിപാർപ്പിച്ചു. മണികണ്ഠേശ്വരം, കൊമ്പത്തേൽപടി, നായരങ്ങാടി കവലകളിൽ കടകളിലേക്ക് വെള്ളം കയറി ലക്ഷക്കണക്കിന് രൂപയുടെ സാധനങ്ങൾ നനഞ്ഞു ഉപയോഗശൂന്യമായി.