ഡാമുകളിലെ ജലനിരപ്പ് താഴ്ന്നു; ആശങ്കയൊഴിഞ്ഞില്ല

തൃശൂര്‍: മഴയും നീരൊഴുക്കും കുറഞ്ഞതോടെ ജില്ലയിലെ ഡാമുകളിലും ജലനിരപ്പ്‌ താഴുന്നു. പീച്ചിയില്‍ നാല്‌ ഷട്ടറുകളും ശനിയാഴ്ച രാവിലെ അഞ്ചിൽനിന്ന് രണ്ടിഞ്ചായി താഴ്‌ത്തി. ചിമ്മിനിയില്‍ രണ്ട്‌ ഇഞ്ച്‌ ഷട്ടര്‍ താഴ്‌ത്തിയത്‌ തുടരുകയാണ്‌. നീരൊഴുക്ക്‌ കുറഞ്ഞതിനാല്‍ കൂടുതല്‍ ഉയര്‍ത്തേണ്ട സാഹചര്യം ഉണ്ടായിട്ടില്ല. 76 മീറ്ററാണിവിടത്തെ ശനിയാഴ്ചയിലെ ജലവിതാനം. 75.4 അടിയിലെത്തിയാലേ ഡാം ഷട്ടര്‍ അടക്കൂ എന്ന്‌ അസി.എക്‌സി എൻജിനീയര്‍ ഇ.അനന്തകൃഷ്‌ണന്‍ പറഞ്ഞു. വാഴാനിയില്‍ ഷട്ടര്‍ മൂന്ന്‌ സ​െൻറീ മീറ്ററായി താഴ്‌ത്തിയിട്ടുണ്ട്‌. അഞ്ച് സ​െൻറീ മീറ്ററായിരുന്നു നേരത്തെ തുറന്നത്‌. ഇതിനിടെ, തിങ്കളാഴ്ച വരെ ശക്തമായ മഴ തുടരുമെന്ന് കാലാവസ്ഥ നിരീക്ഷണ കേന്ദ്രത്തി​െൻറ മുന്നറിയിപ്പിനെ തുടര്‍ന്ന് ജാഗ്രത നിർദേശം പുറപ്പെടുവിച്ചിട്ടുണ്ട്. ജില്ലയില്‍ 16 ദുരിതാശ്വാസ ക്യാമ്പുകളിലായി 1133 പേരാണുള്ളതെന്ന് ജില്ല ഭരണകൂടം പറയുന്നു. ഇടുക്കി ഡാമിലെ ഷട്ടറുകള്‍ അടക്കാത്തതിനാല്‍ കൊടുങ്ങല്ലൂര്‍ താലൂക്ക് പരിധിയില്‍ താമസിക്കുന്നവരും പെരിയാറി​െൻറ തീരത്തുള്ളവരും ജാഗ്രത പാലിക്കണമെന്ന് കലക്ടര്‍ അറിയിച്ചു.