ദുരിതാശ്വാസത്തിന് പൊലീസ് പെൻഷൻകാരുടെ വിഹിതവും

തൃശൂർ: കാലവർഷക്കെടുതികളുടെ പ്രതിരോധ പ്രവർത്തനങ്ങളിൽ കൈകോർത്ത് വിരമിച്ച പൊലീസുകാരും. പെൻഷനേഴ്സ് അസോസിയേഷൻ ജില്ല കമ്മിറ്റി അടിയന്തര ജനറൽ ബോഡി യോഗം ചേർന്നു. പ്രളയക്കെടുതിയിൽ ദുരിതമനുഭവിക്കുന്നവരെ സഹായിക്കാൻ മുഖ്യമന്ത്രിയുടെ ദുരിതാശ്വാസ നിധിയിലേക്ക് 10,000 രൂപ സമാഹരിച്ചു. ജില്ല പ്രസിഡൻറ് എം.എസ്.ബാലസുബ്രഹ്മണ്യൻ അധ്യക്ഷത വഹിച്ചു. ജില്ല സെക്രട്ടറി ജ്യോതിബസു റിപ്പോർട്ട് അവതരിപ്പിച്ചു. സംസ്ഥാന വൈസ് പ്രസിഡൻറ് എ.എൻ. കൃഷ്ണകുമാർ, സംസ്ഥാന കമ്മിറ്റിയംഗം പി.പി. പൊറിഞ്ചു, ജില്ല ഭാരവാഹികളായ എം.ജി. വിവേകാനന്ദൻ, പി.എ. വേലായുധൻ, പൊലീസ് പെൻഷനേഴ്സ് സഹകരണ സംഘം പ്രസിഡൻറ് സി.കെ. വാസു എന്നിവർ സംസാരിച്ചു.