വധശ്രമം: എട്ട്​ എൻ.ഡി.എഫ്​ പ്രവർത്തകർ കുറ്റക്കാർ; ശിക്ഷ നാ​ളെ

തൃശൂർ: പുന്നയൂർക്കുളം പാപ്പാളി പടിഞ്ഞാറെയിൽ അഹമ്മുവി​െൻറ മകൻ ഷിഹാബിനെ വെട്ടിക്കൊലപ്പെടുത്താൻ ശ്രമിച്ച കേസിൽ എൻ.ഡി.എഫ് പ്രവർത്തകരായ എട്ടുപേർ കുറ്റക്കാരെന്ന് കോടതി വിധിച്ചു. ശിക്ഷ വെള്ളിയാഴ്ച പ്രഖ്യാപിക്കും. പുന്നയൂർക്കുളം പനന്തറ വലിയകത്ത് ഖലീൽ, വലിയകത്ത് അഷ്കർ, മന്ദലാംകുന്ന് ബീച്ചിൽ തേച്ചൻ പുരക്കൽ ആദിൽ, പാപ്പാളി ബീച്ചിൽ തേച്ചൻ പുരക്കൽ നൗഷാദ്, മന്ദലാംകുന്ന് ഐനിക്കൽ വീട്ടിൽ സുബൈർ, മന്ദലാംകുന്ന് തേച്ചൻ പുരക്കൽ സബക്കത്തലി, എടക്കഴിയൂർ സിംഗപ്പൂർ പാലസിന് പടിഞ്ഞാറ് പാലക്കൽ വീട്ടിൽ അഷ്കർ, മന്ദലാംകുന്ന് തേച്ചൻ പുരക്കൽ നബീൽ എന്ന നവാസ് എന്നിവർ കുറ്റക്കാരെന്നാണ് തൃശൂർ മൂന്നാം അഡീഷനല്‍ ജില്ല കോടതി ജഡ്ജി കെ.ടി. നിസാർ അഹമ്മദ് വിധിച്ചത്. 2008 ഏപ്രിൽ 22ന് വൈകീട്ട് ആറിന് പുന്നയൂർക്കുളം തങ്ങൾപ്പടിയിൽ വാളും ഇരുമ്പു പൈപ്പുകളും ഉപയോഗിച്ച് ആക്രമണം നടത്തിയെന്നാണ് കേസ്.