ദേശീയപാത വികസനം: സെമിനാർ 14ന്

തൃപ്രയാർ: ദേശീയപാത വികസനത്തിന് വേണ്ടിയുള്ള കുടിയിറക്കലുകളും കടന്നുകയറ്റങ്ങളും മനുഷ്യാവകാശ ലംഘനമാണെന്നും ഇതുസംബന്ധിച്ച് 'സ്വാതന്ത്ര്യത്തിലേക്കുള്ള കടന്നുകയറ്റം' എന്ന വിഷയത്തിൽ 14ന് വൈകീട്ട് നാലിന് നാട്ടിക സ​െൻററിൽ സെമിനാർ നടത്തുമെന്നും ദേശീയപാത ആക്ഷൻ കൗൺസിൽ ഭാരവാഹികൾ അറിയിച്ചു. ശനിയാഴ്ച രാവിലെ 11ന് ആനവിഴുങ്ങിയിലെ നിരാഹാര സമരപ്പന്തലിൽ വി.എം. സുധീരൻ എത്തും. ദേശീയപാത ആക്ഷൻ കൗൺസിൽ നാട്ടിക - വലപ്പാട് കമ്മിറ്റി ഭാരവാഹികളായ കെ.എച്ച്. മിഷോ, സിദ്ദീഖ് ഷെമീർ, വി.എസ്. ജയരാജ്, ഷാലി സന്തോഷ്, സി.പി. പീതാംബരൻ എന്നിവർ സംസാരിച്ചു. ആന വിഴുങ്ങിയിലെ റിലേ നിരാഹാരം നാലാം ദിവസമായ ബുധനാഴ്ച രാധിക ദിലീപ് സമരം ആരംഭിച്ചു.