'സ്കൂൾ പാചകത്തൊഴിലാളികളുടെ വേതനം വർധിപ്പിക്കണം'

ചാലക്കുടി: സംസ്ഥാനത്തെ സ്കൂൾ പാചകത്തൊഴിലാളികളുടെ അധ്വാന ഭാരം ലഘൂകരിക്കണമെന്നും കാലാനുസൃതമായി വേതനം വർധിപ്പിക്കണമെന്നും കേരള സ്കൂൾ വർക്കേഴ്സ് അസോസിയേഷൻ (കെ.എസ്.ഡബ്ല്യു.എ) ആവശ്യപ്പെട്ടു. സംസ്ഥാനത്ത് 12,000ത്തിൽ പരം സ്കൂളുകളിലായി 15,000 ത്തിൽപരം പാചകത്തൊഴിലാളികളാണ് സർക്കാർ -എയ്ഡഡ് മേഖലകളിലായി ഉള്ളത്. 500 കുട്ടികൾക്ക് ഒരു പാചകക്കാരൻ എന്നതാണ് കണക്ക്. മെനു പ്രകാരം മൂന്ന് കറികളോടെയാണ് ഉച്ചഭക്ഷണം നൽകി വരുന്നത്. ഇപ്പോൾ കൂലി 400 രൂപയാക്കിയിരുന്നു. മാസത്തിൽ 20 ദിവസത്തോളമാണ് ജോലി ലഭിക്കുന്നത്. ഈ ദിവസങ്ങളിൽ ജോലി ഭാരം മൂലം ഇവർ വിഷമിക്കുന്നത്. മാറിവരുന്ന സർക്കാറുകൾ ഇവരുടെ ബുദ്ധിമുട്ടുകൾക്ക് നേരെ മുഖം തിരിക്കുകയാണെന്നും ഇവർ പരാതിപ്പെട്ടു.