തൊഴിലവസരങ്ങൾ സൃഷ്​ടിക്കാൻ സർക്കാർ പ്രതിജ്ഞാബദ്ധം -മന്ത്രി മൊയ്തീൻ

ഗുരുവായൂർ: അടിസ്ഥാന സൗകര്യ വികസനത്തോടൊപ്പം തൊഴിലവസരങ്ങൾ സൃഷ്ടിക്കാനും സർക്കാർ പ്രതിജ്ഞാബദ്ധമാണെന്ന് മന്ത്രി എ.സി. മൊയ്തീൻ. ലക്ഷക്കണക്കിന് പേർക്ക് തൊഴിൽ നൽകുന്ന കൈത്തറി വ്യവസായത്തെ സംരക്ഷിക്കാൻ കുടുംബശ്രീ പ്രവർത്തകർ സഹകരിക്കണമെന്നും മന്ത്രി ആവശ്യപ്പെട്ടു. കണ്ടാണശേരി പഞ്ചായത്തിൽ ലൈഫ് ഭവന പദ്ധതിയിൽ പൂർത്തീകരിച്ച വീടുകളുടെ താക്കോൽ ദാനവും രണ്ടാംഘട്ടത്തിൽ തെരഞ്ഞെടുത്ത വീടുകൾക്കുള്ള അനുമതിപത്ര വിതരണവും നടത്തി സംസാരിക്കുകയായിരുന്നു മന്ത്രി. മുരളി പെരുനെല്ലി എം.എൽ.എ അധ്യക്ഷത വഹിച്ചു. 85 കുടുംബശ്രീ യൂനിറ്റുകൾക്കുള്ള സബ്സിഡി വിതരണവും നടന്നു. സെക്രട്ടറി വി.ബി. രഘു റിപ്പോർട്ട് അവതരിപ്പിച്ചു. പഞ്ചായത്ത് പ്രസിഡൻറ് കെ.ജി. പ്രമോദ് ജില്ല പഞ്ചായത്ത് ക്ഷേമകാര്യ സ്ഥിരം സമിതി അധ്യക്ഷ എം. പത്മിനി, പഞ്ചായത്ത് വൈസ് പ്രസിഡൻറ് നീതു സിേൻറാ, സ്ഥിരം സമിതി അധ്യക്ഷരായ മിനി ജയൻ, വി.കെ. ദാസൻ, പി.എസ്. നിഷാദ്, ബ്ലോക്ക് അംഗം ജെയ്സൻ ചാക്കോ, ജെയിംസ് കാട്ടുകാരൻ, പി.എൻ. സുകുദേവൻ എന്നിവർ സംസാരിച്ചു.