അതിരൂപത വിശ്വാസ സംരക്ഷണ സദസ്സ്​ ഇന്ന്​

തൃശൂർ: ൈക്രസ്തവ സഭകളുടെ വിശ്വാസ പ്രമാണങ്ങളെയും കൂദാശകളെയും സംബന്ധിച്ച് വ്യാപകമായി നടക്കുന്ന കുപ്രചാരണങ്ങൾക്കെതിരെ അതിരൂപത സംഘടിപ്പിക്കുന്ന വിശ്വാസ സംരക്ഷണ സദസ്സ് ഞായറാഴ്ച ഉച്ചക്ക് രണ്ടിന് തൃശൂർ സ​െൻറ് തോമസ് കോളജിൽ നടക്കുമെന്ന് പി.ആർ.ഒ ഫാ. നൈസൺ ആലന്താനത്ത് അറിയിച്ചു. കുമ്പസാരം നിരോധിക്കണമെന്ന ദേശീയ വനിത കമീഷ​െൻറ ശിപാർശയും മദർ തെരേസ സ്ഥാപിച്ച മിഷനറീസ് ഓഫ് ചാരിറ്റിയുടെ സ്ഥാപനങ്ങളെപ്പോലും കള്ളക്കേസിൽ കുടുക്കുന്നതും രാജ്യത്തെ മതന്യൂനപക്ഷങ്ങളിൽ കടുത്ത ആശങ്ക സൃഷ്ടിച്ചിരിക്കുകയാണ്. നിലവിലുള്ള നിയമ സംവിധാനങ്ങളെയും നടപടിക്രമങ്ങളെയും ആദരവോടെ അംഗീകരിക്കുന്നതായി സഭാനേതൃത്വം വ്യക്തമാക്കിയിട്ടും സഭയെ കരിതേച്ചു കാണിക്കുകയാണ്. ഈ സാഹചര്യത്തിൽ അതിരൂപതയിലെ വിവിധ ഇടവകകളിൽനിന്നുള്ള പ്രതിനിധികൾ സഭാനേതൃത്വത്തോട് ഐക്യദാർഢ്യം പ്രഖ്യാപിക്കുന്നതാണ് വിശ്വാസ സംരക്ഷണ സദസ്സ്. ഉച്ചക്ക് രണ്ടിന് ആർച് ബിഷപ് മാർ ആൻഡ്രൂസ് താഴത്തി​െൻറ അധ്യക്ഷതയിൽ സുപ്രീം കോടതി റിട്ട. ജസ്റ്റിസ് സിറിയക് ജോസഫ് മുഖ്യപ്രഭാഷണം നടത്തും.