കാറും ബസും കൂട്ടിയിടിച്ച് യുവാവിന് പരിക്ക്

കരൂപ്പടന്ന: വെള്ളാങ്ങല്ലൂർ ബ്ലോക്ക് ജങ്ഷന് സമീപം കാറും ബസും കൂട്ടിയിടിച്ചു. കാർ ഓടിച്ചിരുന്ന യുവാവിന് നിസ്സാര പരിക്കേറ്റു. കരൂപ്പടന്ന പള്ളിനട അറയ്ക്കൽ നൗഷാദി​െൻറ മകൻ ഉവൈസാണ് (25) കാറോടിച്ചിരുന്നത്. എയർബാഗ് ഉണ്ടായിരുന്നതിനാലാണ് ഇയാൾക്ക് കാര്യമായ പരിക്കേൽക്കാതിരുന്നത്. ശനിയാഴ്ച ഉച്ചക്ക് ഒന്നരയോടെയാണ് അപകടമുണ്ടായത്. ഇരിങ്ങാലക്കുട ഭാഗത്തുനിന്നും കരൂപ്പടന്നയിലേക്ക് പോകുകയായിരുന്ന കാറും കൊടുങ്ങല്ലൂരിൽ നിന്ന് തൃശൂരിലേക്ക് പോകുകയായിരുന്ന സ്വകാര്യ ലിമിറ്റഡ് സ്റ്റോപ് ബസുമാണ് കൂട്ടിയിടിച്ചത്. ഉവൈസിനെ തൃശൂർ ജൂബിലി ആശുപത്രിയിൽ പ്രവേശിപ്പിച്ചു.