ആരോഗ്യ സർവകലാ​ശാല വാർത്തകൾ

മാർക്ക് ലിസ്റ്റ് വിതരണം തൃശൂർ: ആരോഗ്യ സർവകലാശാല 2017 നവംബറിൽ നടത്തിയ ഒന്നാം വർഷ ബി.എസ്.സി നഴ്സിങ് ഡിഗ്രി റെഗുലർ/സപ്ലിമ​െൻററി പരീക്ഷ, 2018 ഏപ്രിലിൽ നടത്തിയ ഒന്നാം വർഷ പോസ്റ്റ് ബേസിക് ബി.എസ്.സി നഴ്സിങ് ഡിഗ്രി സപ്ലിമ​െൻററി പരീക്ഷ എന്നിവയുടെ മാർക്ക് ലിസ്റ്റുകൾ അതത് നഴ്സിങ് കോളജുകളിലേക്ക് അയച്ചിട്ടുണ്ട്. വിദ്യാർഥികൾ കോളജുകളിൽ നിന്നും കൈപ്പറ്റണം. ഒന്നാം വർഷ എം.എച്ച്.എ ഡിഗ്രി റെഗുലർ/സപ്ലിമ​െൻററി തിയറി പരീക്ഷ, 2018 സെപ്റ്റംബർ മൂന്നിന് ആരംഭിക്കുന്ന ഒന്നാം വർഷ എം.എച്ച്.എ ഡിഗ്രി റെഗുലർ/സപ്ലിമ​െൻററി തിയറി പരീക്ഷ എന്നിവയുടെ ടൈംടേബിൾ പ്രസിദ്ധീകരിച്ചു. 2018 ഏപ്രിലിൽ പരീക്ഷ നടത്തി ഫലം പ്രഖ്യാപിച്ച മെഡിക്കൽ പോസ്റ്റ് ഗ്രാേജ്വറ്റ് ഡിഗ്രി ആൻഡ് ഡിപ്ലോമ റെഗുലർ/സപ്ലിമ​െൻററി പരീക്ഷ റീടോട്ടലിങ് ഫലം പ്രസിദ്ധീകരിച്ചു. അഫിലിയേഷൻ കേരള ആരോഗ്യശാസ്ത്ര സർവകലാശാലയിൽ അഫിലിയേറ്റ് ചെയ്ത വിദ്യാഭ്യാസ സ്ഥാപനങ്ങളിൽ നിന്ന് 2019-20 അധ്യയന വർഷത്തേക്കുള്ള കോളജുകൾ/ കോഴ്സുകൾ എന്നിവയുടെ തുടർ അഫിലിയേഷനുള്ള അപേക്ഷകൾ ക്ഷണിച്ചു. അപേക്ഷകൾ സർവകലാശാല വെബ്സൈറ്റിൽ 15.09.2018 വൈകീട്ട് അഞ്ച് വരെ സമർപ്പിക്കാം. കൂടുതൽ വിവരങ്ങൾക്ക് സർവകലാശാല വെബ്സൈറ്റ് (www.kuhs.ac.in) സന്ദർശിക്കുക.