അംഗത്വ പ്രചാരണോദ്ഘാടനം നാളെ

തൃശൂർ: ദേശീയ മനുഷ്യാവകാശ സമിതിയുടെ അഖിലേന്ത്യാ അംഗത്വ പ്രചാരണത്തി​െൻറ ഉദ്ഘാടനവും സെമിനാറും ഞായറാഴ്ച തൃശൂരില്‍ നടക്കുമെന്ന് സംഘാടകര്‍ അറിയിച്ചു. സാഹിത്യ അക്കാദമിയില്‍ വൈകീട്ട് മൂന്നിന് സംഘടിപ്പിക്കുന്ന പരിപാടി തേറമ്പില്‍ രാമകൃഷ്ണന്‍ ഉദ്ഘാടനം ചെയ്യും. തുടര്‍ന്ന് 'മതേതരത്വവും മനുഷ്യാവകാശ സംരക്ഷണവും' എന്ന വിഷയത്തില്‍ നടക്കുന്ന സെമിനാര്‍ ഡോ.കെ. മഹേന്ദ്രന്‍ ഉദ്ഘാടനം ചെയ്യും. വാര്‍ത്തസമ്മേളനത്തില്‍ ദേശീയ മനുഷ്യാവകാശ സമിതി ദേശീയ ചെയര്‍മാന്‍ പ്രഫ. പുന്നക്കല്‍ നാരായണന്‍, ജനറല്‍ സെക്രട്ടറി കെ. നന്ദകുമാര്‍, ദേശീയ ജോ.സെക്രട്ടറി ജോര്‍ജ് തോമസ്, ദേശീയ കോഒാഡിനേറ്റര്‍ ബി.ബി. ബ്രാഡ്‌ലി, സി.വി. ആൻറണി എന്നിവർ പങ്കെടുത്തു.