സ്കൂളുകളിൽ ബ്ലൂ ആർമി

പുഴയ്ക്കൽ: സ്കൂളുകളിൽ ആരംഭിക്കുന്ന ബ്ലൂ ആർമിയുടെ സംഘാടനവുമായി ബന്ധപ്പെട്ട അധ്യാപക ശിൽപശാല പുഴയ്ക്കൽ ബ്ലോക്ക് പഞ്ചായത്ത് പ്രസിഡൻറ് ബിജു ജോസഫ് ഉദ്ഘാടനം ചെയ്തു. ജലവിനിയോഗ സംരക്ഷണ സംസ്കാരം വിദ്യാർഥികളിൽ വളർത്തിയെടുക്കുന്നതിനുള്ള ജല രക്ഷ- ജീവൻ രക്ഷ പദ്ധതിയിൽ വിദ്യാർഥികളെ കണ്ണികളാക്കുന്നതിനായി തുടങ്ങുന്നതാണ് ബ്ലൂ ആർമി. തൃശൂർ വെസ്റ്റ് എ.ഇ.ഒ എ.കെ. അജിതകുമാരി അധ്യക്ഷത വഹിച്ചു. പുഴയ്ക്കൽ ബി.പി.ഒ സി.സാജൻ ഇഗ്നേഷ്യസ് സ്വാഗതവും സി.ആർ. ബിന്ദു നന്ദിയും പറഞ്ഞു. പി. ജയ, അജിനി പി. കുമാർ, റഫീഖ്, അബൂബക്കർ എന്നിവർ സംസാരിച്ചു.