'തണലി'ൽ 97ാം വിവാഹം

തൃശൂർ: കാളത്തോട് 'തണൽ' വി.എം.വി. ഒാർഫനേജിൽ ഒരു യുവതി കൂടി വിവാഹിതയായി. 'തണൽ' കുടുംബാംഗമായ സാബിറയുടെ മകൾ തസ്ലീമയെ കേച്ചേരി എരനെല്ലൂർ കുളങ്ങര വീട്ടിൽ സുലൈമാ​െൻറ മകൻ ഇബ്രാഹിം ബാദുഷയാണ് വിവാഹം ചെയ്തത്. 'തണലി'ലെ 97ാം വിവാഹമാണിത്. ചൂണ്ടൽ ജുമാമസ്ജിദ് ഖത്തീബ് മൊയ്തീൻകുട്ടി മുസ്ലിയാർ കാർമികത്വം വഹിച്ചു. എ.പി. അബ്ദുന്നാസിർ ഖുതുബ നിർവഹിച്ചു. കടവല്ലൂർ അബ്ദുറഹ്മാൻ ഫൈസി പ്രാർഥന നിർവഹിച്ചു. വി.എം.വി ഒാർഫനേജ് ആൻഡ് വെൽഫെയർ ട്രസ്റ്റ് ചെയർമാൻ ടി.എ. മുഹമ്മദ് മൗലവി, ട്രസ്റ്റ് അംഗം എൻ.എ. മുഹമ്മദ്, വി.എ. അബ്ദുല്ലത്തീഫ്, 'മാധ്യമം' റീജനൽ മാനേജർ വി.കെ. അലി തുടങ്ങിയവർ പെങ്കടുത്തു.