കെ.എസ്.ആർ.ടി.സി ബസ് ചരക്ക് ലോറിയിലിടിച്ച് നാലുപേര്‍ക്ക് പരിക്കേറ്റു

ആമ്പല്ലൂര്‍: ദേശീയപാത കുറുമാലിയില്‍ കെ.എസ്.ആര്‍.ടി.സി ബസ് ചരക്ക് ലോറിയിലിടിച്ച് കണ്ടക്ടര്‍ ഉള്‍പ്പെടെ നാലുപേര്‍ക്ക് പരിക്കേറ്റു. കാലിന് പരിക്കേറ്റ കണ്ടക്ടര്‍ കാഞ്ഞിരപ്പിള്ളി സ്വദേശി അരുണിനെ ചാലക്കുടിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ചൊവ്വാഴ്ച പുലര്‍ച്ചെയായിരുന്നു അപകടം. കാലിത്തീറ്റയുമായി പോയിരുന്ന ലോറി പെട്ടെന്ന് വലതുവശത്തെ ട്രാക്കിലേക്ക് മാറിയതാണ് അപകടത്തിന് കാരണം. കാസര്‍കോട് നിന്ന് പാലയിലേക്ക് പോകുകയായിരുന്നു ബസ്. പരിക്കേറ്റ യാത്രികര്‍ പ്രഥമ ശുശ്രൂഷ തേടി.